皮膚諮詢已經開始接近一季了，每次都好期待親身見到客人，一齊傾吓平日係點樣照顧肌膚，再透過儀器更精準了解皮膚狀況。
女生最容易忽略護理的部位？
我們發現，唔少20至30+客人眼周會出現狀況，包括乾/細紋，如果有膚色唔均勻，好多時都係因為眼底區域暗沉(aka黑眼圈)。亦有客人同我哋坦白，平日未必會特別護理眼部肌膚。
眼周係全身最薄最細緻的皮膚位置，皮脂腺嘅分佈比其他區域少，每日更會眨動超過一萬次。眼周又乾又脆弱更是第一個衰老的部位，在25歲以後是需要有意識地使用輕巧滋潤的產品去修復滋潤。
眼部保養TIPS！
想好好照料眼部肌膚，可以日常保養中選擇合適的眼霜，用最溫柔嘅無名指，按摩眼周肌膚，從眼頭沿住眼周輕輕按壓至眼尾，有助促進血液循環，過程記得要溫柔，就好似透過雙手向一雙眼道謝：今日做得好好，辛苦了!
祝願大家有一雙健康有活力嘅眼睛，好好體驗和欣賞世間萬物。
